搵力哥，安心好多。

終於得閒自已駕入沙頭角流水響力哥車房，之前都是小平叔幫我駛來維修，今次一定要自已過一過來。昨日致電給力哥，問我的MINI好震，是否避震出事，力哥叫我入去比佢睇睇先能定論。

力哥車房，好多MINI維修中

工具同配件都好多好多。

我大約一點半左右到，噢！！！無人，鎖晒門，吾係吾開嘛，再打比力哥，原來出左去食飯，嚇死我，呢到粉嶺，大佬！！

等了三個字，力哥回來，即時同佢傾下，我部MINI的情形，佢好細心咁同我檢查檢查，認為避震的“漢堡包”無問題，但因為我的“呔”有很多虛位，力哥話係“杯士”已經粉粹了，要換，如果吾係，轉向會有危險，我平時都覺駕駛時“當呔”不穩定，咁好!就換掉。

力哥好有心機話我知邊處吾妥。

換埋機油

好黑!！！吾怪得MINI無力又食油!

今次特登入粉嶺，最主要都係想力哥幫我睇睇個車頭，睇下能否轉成棍波，當然，係正面的，雖然好多人話，自動波轉棍波，係好吾實際的事，但如果換自動波箱收萬三，棍波收萬八，我覺得我絕對會比多五千轉棍波，我絕對會選擇後者。

首次見力哥，我覺得佢對MINI很熟，有乜問題都即時知道解決法子，修理完後，我係即時感覺到MINI係改善左，雖然力哥吾多笑面，又煙駁煙咁，但佢做野比我感覺係好老實的，有乜要換要整，佢會同你講，如果吾需要換的，他不會為做生意叫你換，同某九龍區某間店很不一樣，雖然要入去粉嶺，但我以後都絕對會入去比力哥維修，咁如果力哥去九龍開店，係最好啦!